Ebby :
Ghindu bona gaso eh hati
Teringat kampong Tompek bermain.
Air mensubo sojuk sokali
Tompek mandi hai bujang dan dagho
Nen :
Samo kengkawan bergurau sondo,
sampai lupo haghi dah potang,
ado kawan namo eh
dibet,Ujang ano laie soghang tu sapo hah?
Ebby:
Toset..kan samo-samo cempogho?
Ebby/Nen :
Samo-samo mandi tolanjang,
dalam teng air paghit dan longkang
ngoja kobau sodang bokubang,
sampai tolontang ateh pomatang.
Ebby/ Nen :
Tapi kini hanyo tokonang,
Kito semuo dah bosa panjang,
ado yang nikah ado yang bujang,
dudo dan jando malu nak pulang.
Ulang :
Ebby/Nen :
Tapi kini hanyo tokonang,
Kito semuo dah bosa panjang,
ado yang nikah ado yang bujang,
dudo dan jando malu nak pulang.
Ebby/Nen :
Sungguh indah semasa dulu,
namun maso jadi ponontu,
masing-masing dah makin tuo,
bak kata oghang hari dah sonjo.
bak kata oghang hari dah sonjo.
bak kata oghang hari dah sonjo.
Hai lamo meghantau tak laku-laku laie ko mano deh bini ea?
Alah ngobakan oghang,laki kau mano..?
Haaa tulah topuk air di dulang
haa toghuih masuk dalam mangkuk hahaha
Hai itu pantun ko peribahaso..?
Hehehe takdo sajo yo
